Ŝi malfruis. La fraŭloj scivolis kial. Ili maltrankviliĝis, kelkaj pro amo sed aliaj nur pro la mono.

La konkursantoj estis similaj: junaj profesiuloj, sufiĉe belaspektaj por televido. Ili amindumis la fraŭlinon unu semajnon. Baldaŭ ŝi elektos edzon. Ŝi gajnos ringon — li, monplenan valizon: Antaŭe ili renkontis ties gardiston.

Hodiaŭ oni finfilmos. Kameraistoj pretas. Direktoro atendas. Aerbalono ŝvebas proksime, preta forporti la paron.

Tiam oni ekklarigas: “La fraŭlino ploras enĉambre, nekapabla elekti. …” Sed de supre, frapsono interrompas.

Aerbalonisto ĵetas ŝnureskalon al fenestro. La fraŭloj povas nur rigardi dum la fraŭlino kaj gardisto grimpas, portante monvalizon, al la balono, jam leviĝanta ĉielen.