Ĉe Samovaro

Ĉe malnova samovaro
sidas ruso kaj hungaro.
Dum la akvo zume bolas
la amikoj ekparolas:

“Havi landon en libero,
tamen migri tra la tero
iri vojon, sed sencelan …
Ĉu vi konas pli kruelan?”

La hungaro ne respondas,
liaj pensoj ĝeme ondas,
viŝas larmon retenitan:
“Havi landon, sed perditan.”

Ĉe malnova samovaro
sidas ruso kaj hungaro.
Dum la akvo bolas zume ili
ploras, ploras kune.

– Julio Baghy, 1926

Horizontale

1. Kiel dueto ludas
3. Komprenas aŭ sentas pri io
7. Nia planedo
8. Restas seĝe
9. Kiel sonas fluganta muŝo
11. Sala guto
13. Kruelete
14. Rusa teujo; kolekto da inaj ĉeloj?
15. Inter komenco kaj fino
17. Bonaj konatuloj
21. Leo Tolstoy
23. Posedi
24. Reagas al demando
26. Strato aŭ pado
27. Ne barita, ne sklava
28. Mankas trafinda objekto
29. Esprimas malĝoje
30. Movanta likvaĵo

Vertikale

2. Komencas diri
4. Ege ĝena
5. Forlasi lokon por nova loko
6. Julio Baghy
7. Havis kaj ne ellasis
10. Havis kaj lasis
11. Patrujo
12. Kio malsoifas
16. Antikva
18. Malproksimiĝi
19. Malgraŭ tio; sed
20. Forigas per tuko
22. Varmegas ĝis vaporo
25. Rezonaĵo, produkto de l’ menso