En Bocvano, oni permesas al bovoj vagi kaj manĝi dum la tago, kaj leonoj ofte atakas ilin. Sciencistoj el Aŭstralio elpensis solvon, kiu permesas al la bovoj vivi en paco. Leonoj preferas resti nerimarkitaj dum ili ĉasas, do la sciencistoj trovis manieron ŝajnigi, ke la bovoj ĉiam rigardas ilin. “Ni farbis okulojn sur la postaĵoj de la bovoj”, ili klarigis. “Kaj dum kvar jaroj, neniuj el la bovoj kun falsaj okuloj mortis pro leonatako.” Vilaĝestroj kaj lokaj bienistoj “volas, ke ni revenu kaj farbu okulojn sur pli da bovaj postaĵoj”, ili diris. [de NPR, 2020-08-23]