Presita el Usona Esperantisto № 2016:3-4
Charlotte Burton, Direktoro
En ĉiu numero de UE ni petas al la estraranoj raporti lastatempajn farojn. Ĉu vi havas demandojn, proponojn aŭ eĉ plendojn por la estraro? Sendu ilin al ni en aŭ Esperanto aŭ la angla, laŭ via prefero. La redakciaj adresoj troviĝas en la kolofono.
Ĉi-jare mi aktiviĝas en Esperantujo per partoprenado en la E-USA-estraro kaj nia loka klubo. Plue, mi publikigis studlibron pri Esperanto, Beginning Esperanto Workbook kiu vendiĝas per Lulu kaj Amazon. Mi uzas tion por helpi al komencantoj kaj mi parolas pri la lingvo al instruistoj kaj administrantoj ĉe loka lernejo.