La 7-a Usona Bona Film-Festivalo konkludiĝis! Inter kvin jaroj, la tuta kvanto de filmoj nun nombras pli ol ducent, kun pli ol dek du horoj. Unuavice, dankojn al la kvin ĵurianoj, kiuj taksis la 47 filmojn ricevitajn ĉi-jare: Peggy Dolter, Kartero Williams, Preston Firestone, Quintyn Bobb, kaj Lua Hall. Gratulojn kaj laŭrojn al la dek gajnintaj filmoj:

1. Traktato
2. La Paseo
3. Ses Kordoj
4. Gastiganto
5. La Trafikcirklo
6. La Vera Vi
7. Longe Vivu La Reĝino
8. DOMARO
9. Bona Esperanto por la Ĉiutaga Vivo!
10. Malbonŝanca Kulero

Filmoj 4-10 gajnis po 200 dolarojn. La tria premiita gajnis 600 $, la dua 800 $, kaj la unua 1200 $.

Aldone, pro la malavara subteno de sponsoroj de la Film-Festivalo ĉi-jare, dek Honoraj Mencioj ricevos po cent-dolaran premion:

• Trokompreno
• Zumanta Jes
• Saluton, Belulino!
• La Pordo Inter Ni
• Saluton, Mi Estas Komencanto
• SOS
• Kiel Plaĉas Al Vi
• Pardono
• Konfesu
• La Solvo Al Ĉiuj Viaj Problemoj

Fine, estas ne nur unu, sed du Elektoj de la Spektantaro, kiuj ricevos ducent-dolaran premion, denove danke al sponsora subteno. Ambaŭ filmoj ricevis pli ol sepcent ŝatojn en Jutubo:

• Nur Objekto
• La Kolibro

La ĉefa sponsoro estis Ana.so, kaj la Film-Festivalo ricevis kroman donacon en la nomo de Charles Power post lia forpaso en la printempo. Sen iliaj kontribuoj, la Film-Festivalo ne povus nutri tiel talentajn reĝisorojn, aktorojn kaj kunlaborantojn, kies verkoj riĉigas la esperantan kinon — kordankon al ili!

Kaj dankon al ĉiuj, kiuj partoprenis la Usonan Bonan Film-Festivalon kaj kontribuis al la filmaro de Esperantujo. Ĉiujn filmojn oni povas spekti ĉe la oficiala Jutub-konto de Esperanto-USA, inkluzive de du kromaj filmoj submetitaj post la limdato; jen la plena 7-a Usona Bona Film-Festivalo.