Regionaj kunordigantoj

Fred estas unu el la Direktoroj de E-USA. Oni povas kontakti lin ĉe f3meyer at gmail dot com.

La listo de Regionaj Kunordigantoj/Helpantoj nun estas kompleta. Ni aldonis du novajn Kunordigantojn. Tiu listo nun inkluzivas Jeremy Genovese por la Grand-Laga Regiono kaj Chris Johnson por la Mez-Atlantika Regiono. Bill Harris, la Direktoro de la Centra Oficejo, ne plu funkcias kiel dumtempa Kunordiganto. Do la kompleta listo nun estas:

Regiono	Nomo
Grandaj Lagoj	Jeremy Genovese
Mez-Atlantiko	Chris Johnson
Meza	Peggy Dolter
Meza nordo	Joan Philips
Nordoriento	Jaclyn (Janjo) Pacejo
Nordokcidento	Wally du Temple
Okcidento kaj Pacifika Maro	John Dumas
Sudo	Fred Meyer III
Sudoriento kaj Kariba Maro	Brandon Sowers
Sudokcidento	Nicole Wing

La plej aktualan liston, kun kontaktadresoj, oni povas ĉiam trovi en nia retejo, ĉe Pri ni > Kontakti nin.

Mi devas danki antaŭan Kunordiganton Murray Merner pro lia helpo trovi la du novajn Kunordigantojn. Chris kaj Jeremy ankaŭ estas dankindaj pro sia volontulemo.

La Regionaj Kunordigantoj virtuale kunvenis en la fino de Aŭgusto kune kun kelkaj agemaj gastoj. Ni diskutis lastatempajn agadojn. Estis raporto pri nova juna loka kontakto en la Centra Regiono. Ni diskutis uzon de Radaro kaj Eventa Servo por anonci kunvenojn de lokaj grupoj. Kelkaj diskutis pligrandigon de la invita listo por virtualaj kunvenoj de lokaj grupoj.

Ni diskutis la dokumenton pri lokaj grupoj, kiu bezonas pli da ellaborado. Kelkaj volontulis helpi pri tio. Tiu diskuto branĉiĝis en aliajn direktojn: kiel trovi lokajn kontaktojn, kiel stimuli lokajn kontaktojn organizi lokajn grupojn, kiel trovi kaj subteni grupojn ĉe universitatoj, kiel reteni lokajn grupanojn, kiel uzi aplikaĵojn (MailChimp, Telegram, kaj Amikumu) por kuraĝigi partoprenon en lokaj grupoj, …

Ni planas denove kunveni fine de Oktobro.