Presita el Usona Esperantisto № 2018:1 (jan-feb)

LK-2018: Sign up now!

Lasta ĝisdatigo: 2018-03-02
[figure]

Kuniĝu kun Esperanto-USA kaj Kanada Esperanto-Asocio ĉi-somere dum ni festas la lingvon internacian. Nia komuna Landa Kongreso okazos ĉe Seattle Pacific University (Seatla Pacifika Universitato) en Seatlo, Vaŝingtonio, de vespere vendredon, 13-an de Julio, ĝis tagmeze lundon, 16-an de Julio. Okazos programeroj por spertaj kaj komencantaj esperantistoj; inter ili estos kaj prezentaĵoj kaj interagaĵoj.

Ni ĝojas anonci, ke Chuck Smith faros ĉefprelegon pri la kongresa temo, Konstruado kaj ĝuado de Esperanta komunumo. Kiel la kunkreinto de la Esperanta kurso de Duolingo kaj la saĝtelefona aplikaĵo Amikumu, Chuck nun estas inter la plej konataj homoj en Esperantujo. En tiuj kaj aliaj entreprenoj, li enkorpigis la spiriton de la internacia lingvo, uzante ĝin por kunigi homojn. Prelegos ankaŭ D-ro Federico Gobbo, profesoro de la katedro Interlingvistiko kaj Esperanto ĉe la Universitato de Amsterdamo, Nederlando.

Kio pri la pluvo? Somere, Seatlo ĝuas veteron mildan kaj sunplenan; la pasintan Julion, oni registris neniom da pluvo. Ni planas profiti tion per ekskursoj dum la kongreso kaj per postkongresa tendumado en Mount Rainier National Park (Nacia Parko Monto Rajnero), 16-19 Julio.

Dum la venontaj monatoj ni provizos pliajn detalojn pri la programo – inkluzive de pliaj gastoj anoncotaj – en la kongresa retpaĝaro. Tie vi povas ankaŭ vidi liston de aliĝintoj kaj trovi ligilon al nia Fejsbuka okazaĵo.

Ĉu vi volas kontribui? Ni serĉas prelegontojn, muzikistojn, gvidontojn de programeroj, kaj aliajn volontulojn. Sendu retmesaĝon al seatlo2018@esperanto-usa.org se vi interesiĝas.

Jam eblas aliĝi per la retbutiko de E-USA. Ne prokrastu: la kotizoj pliiĝos la 1-an de Aprilo!


Join Esperanto-USA and the Canadian Esperanto Association this summer as we celebrate the international language. Our combined National Congress will be held at Seattle Pacific University in Seattle, Washington, from the evening of Friday, July 13, until midday Monday, July 16. The program will have sessions for both experienced and novice speakers, and will include both presentations and hands-on activities.

We’re excited to announce that Chuck Smith will be giving a keynote speech about the congress theme, Building and Enjoying an Esperanto Community. As the co-creator of Duolingo’s Esperanto course and the app Amikumu, Chuck is one of the best-known figures in the world of Esperanto today. In these and other endeavors, he’s embodied the spirit of the international language by using it to bring people together. There will also be a talk by Dr. Federico Gobbo, professor of Interlinguistics and Esperanto at the University of Amsterdam, Netherlands.

What about the rain? In the summer, Seattle enjoys sunny and mild weather; last July, no rain was recorded. We plan to take make the most of it with excursions during the congress and a post-congress camping trip in Mount Rainer National Park, July 16-19.

In the coming months we’ll provide more details about the whole program – including more guests to be announced – on the congress website. There you can also see who’s already signed up and find a link to our Facebook event.

Want to contribute? We’re looking for speakers, musicians, activity leaders, and other volunteers. If you’re interested, send an email to seatlo2018@esperanto-usa.org.

Registration is now open in the online store of E-USA. Don’t delay: rates increase April 1!